தினைப் பாயசம்
தேவையான பொருட்கள்
1.தினையரிசி - 1/4 கோப்பை
2.பாசிப் பருப்பு - 1 தேக்கரண்டி
3. நெய் - 2 + 1 தேக்கரண்டி
4.தேங்காய் துருவல் - 2 தேக்கரண்டி
5.வெல்லம் துருவியது - 1/2 - 3/4 கோப்பை (தேவைக்கேற்ப)
6.பால் - 1 கோப்பை
7.உப்பு - சிட்டிகை
8.ஏலக்காய் பொடி - சிட்டிகை
9.முந்திரி திராட்சை - சிறிது
செய்முறை
1 கோப்பை தண்ணீர் சுட வைத்து அதில் துருவிய வெல்லம் சேர்த்து நன்கு கரையும் வரை கொதிக்க விடவும். கொதித்ததும் வடிகட்டி தனியே வைக்கவும்.
1 தேக்கரண்டி நெய்யில் முந்திரி திராட்சையை பொரித்து தனியே வைக்கவும்.
2 தேக்கரண்டி நெய்யை வாணலியில் சூடாக்கி அதில் தினை, பாசி பருப்பு இரண்டையும் போட்டு 2-3 நிமிடம் வறுக்கவும்.
பிறகு அதில் தேங்காய் துருவல், ஏலக்காய் பொடி , 3/4 கோப்பை தண்ணீர் (தினை:தண்ணீர் - 1:3) விட்டு 2 ஓசை வரும் வரை வேக விடவும். தண்ணீர் பதம் சரியாக இருந்தால் உதிர் உதிரக வெந்து வரும்.
இதனுடன் 1 கோப்பை பால் சேர்த்து நன்கு வேக விடவும். நன்கு கொதி வந்ததும் வெல்ல பாகு சேர்த்து 1 நிமிடம் கொதிக்க விடவும்.
அடுப்பிலிருந்து இறக்கி வறுத்த முந்திரி திராட்சை சேர்க்கவும்.
