தாளாண்மை என்னும் தகைமைக்கண் தங்கிற்றே வேளாண்மை என்னும் செருக்கு!
 

வானத்துப் பறவைகளைப் பாருங்கள் - சகி


நாணல் கதிர்க்குருவி

ஆங்கிலப் பெயர்: Clamorous Reed Warbler

அறிவியற் பெயர்: Acrocephalus stentoreus

தோற்றம்

பழுப்பு நிறத்தில் இருக்கும்; சிட்டுக்குருவியை விடச் சற்றுப் பெரியதாக இருக்கும். கண்ணின் மேற்பகுதியில் வெள்ளைப் புருவம்போல் அமைந்திருக்கும். உடல் வெள்ளை நிறத்திலும், சிறகுகள் பழுப்பு நிறத்திலும் இருக்கும். ஆண், பெண் இரண்டும் ஒரே வண்ணமாக இருக்கும். 18 முதல் 20 செ.மீ நீளமும், 25 முதல் 35 கிராம் எடையும் கொண்டது.

முழுக் கட்டுரை »

அடிசில் தீர்வு - அனந்து


காலை எழுந்தவுடன் புசிப்பு

காலை உணவு மிகவும் இன்றியமையாதது. அது நல் உணவாக இருத்தல் மிக அவசியம். இரவு தூக்கத்திற்குப் பிறகு நல்ல ஆரோக்கியமான சத்தான காலை உணவு மிக முக்கியம். நாள் முழுவதும் நாம் உழைத்துத் திரிய சரியான உணவு அவசியம்.

முதலில் பெரும்பாலானோர் இன்று வசதி மற்றும் எளிது என்னும் காரணங்களால் மிகத்தவறான உணவுகளைத் தேர்ந்தெடுத்து அதனால் பல இன்னல்களுக்கு ஆளாகிறோம்.

பிரெட் என்னும் செத்த ரொட்டியை, சத்தற்ற உணவினை உட்கொள்கிறோம். பல நாட்கள் அலமாரியில் இருப்புக்கொள்ளும் இந்த செத்த உணவு, உணவே அல்ல‌. ஒரு முறை இஸ்ரேலிய நண்பர் ஒருவர் பூடானில், சுற்றுலா சென்ற போது, கடை கடையாக பிரெட் உள்ளதா என்று அலைந்தாராம். அப்பொழுது ஒரு கடையில் பெரியவர் ஒருவர் மெலிதாக சிரித்தாராம். இவர் ஏன் என்று கேட்டதற்கு 'இதற்குத் தான் எல்லா கடைகளுக்கும் அலைகிறாயா?” என்றாராம். ஆம், அதில் சிரிப்பதற்கு என்ன இருக்கிறதென்று இவர் கோபத்துடன் கேட்க, அவர் அதே சிரிப்புடன், ' அங்கே பார். உயிருடனும் முழு சத்துடனும் இருக்கும் புத்துணர்வுமிக்க சப்பாத்தி (ரொட்டி)யை செய்துக்கொண்டிருக்கும் இடத்தில் செத்த ரொட்டியை தேடுகிறாய். அது தான் சிரித்தேன்” என்றாராம். இதில் இருக்கும் பாடம் புரிகிறதா?

முழுக் கட்டுரை »

செவிக்குணவு இல்லாத போழ்து

தினையரிசி பெசரெட்டு

தினையின் பெருமை

சிறுதானியங்கள் என்று குறிப்பிடப்படும் அருந்தவசங்களான தினை, வரகு, குதிரைவாலி, சாமை, காடைக்கண்ணி போன்றவை இன்று மக்களிடம் புதியதொரு வாய்ப்பைப் பெற்று வருவதைக் காண முடிகிறது. Foxtail millet என்றும் அழைக்கப்படும் தினை தமிழ்க் கலாச்சாரத்துடன் மிகப் பண்டைக் காலம் முதல் பின்னிப் பிணைந்தது. சங்க இலக்கியங்களில் உழாமல் விதைத்த‌ தினை வயல் பற்றியும் புறநானூறு கூறுகிறது. (உழாதுவித்திய பரூஉக்குரல் சிறுதினை - புறம் - 163). தினைப் புனம் காப்பதும், பரண்களில் இருந்து பாடுவதும், காதல‌னைச் சந்திப்பதும் பண்டைத் தமிழர்களின் பண்பட்ட நிகழ்வுகள். குறிஞ்சிப் பாட்டின் பாடுபொருளே இதுதான். சங்கரதாஸ் சுவாமிகள் குறிஞ்சிப்பாட்டையே வள்ளி திருமணம் என்ற நாடகமாக ஆக்கினார். தினைக் கதிர் அறுத்த தாள்களைக் கொண்டு கூரை வேய்ந்தனர். 'இருவி வேந்த குறுங்கால் குரம்பை' என்று குறிஞ்சிப்பாட்டு 153 ஆம் வரி குறிப்பிடும்.

முழுக் கட்டுரை »

 
 
தற்சார்பு இயக்கம்

நவீன வாழ்முறையில் வெற்றிடம் பெருகும் சூழலில், மாற்று வாழ்முறையில் விடைகளைத் தேடும் ஒரு சார்பற்ற இய‌க்கம்

மேலே அறிய‌ »
நிதி மிகுந்தவர்...

பொற்குவை தர விரும்புவோர் கீழுள்ள வங்கிக் கணக்கில் கட்டலாம்!

மேலே அறிய‌ »
தொடர்பிற்கு...

எங்களுடன் இணைந்து பணியாற்ற விழைவோர், கீழுள்ள‌ முகவரிக்கு மின்னஞ்சல் அனுப்பவும்

Phone: +91 4364 271190
Email: info@kaani.org