தாளாண்மை

முன்னுரை: நம் இந்திய மரபுச் சிந்தனைகளில் உடல் என்பது போற்றுதலுக்கு உரியதாகவும், தூற்றுதலுக்கு உரியதாகவும் வெவ்வேறு கட்டங்களில் பார்க்கப் பட்டுள்ளது. “புன்புலால் நரம்பு என்புடைப் பொய்யுடல், அன்பர் யார்க்கும் அருவருப்பு ” என்று தாயுமானவராலும், “சீவார்ந்து, ஈ மொய்த்து அழுக்கொடு திரியும் சிறுகுடில்” என்று மாணிக்கவாசகராலும், “வாய்நாறும் மூழல், மயிர்ச்சிக்கு நாறும்” என்று பட்டினத்தாராலும் வசைபாடப் பட்ட அதே உடல், “ஒன்பது வாயில் ஒரு மந்திரத்தால் ஐம்புலக் கதவை அடைப்பதும் காட்டி” என்று ஔவையாராலும், “உள்ளம் பெரும் கோயில், ஊனுடம்பு ஆலயம்; தெள்ளத் தெளிந்தோர்க்கு சீவன் சிவலிங்கம்” என்று திருமூலராலும் பாராட்டுப் பெற்றுள்ளது. ராஜயோகம் என்று சொல்லப்படும் உடல் வழி ஆன்மப் பயிற்சிகள் உடற் தூய்மைக்கும், மூச்சுப் பயிற்சிகளால் மனத் தூய்மைக்கும் பெரும் முக்கியத்துவம் அளிக்கின்றன. ஞான யோகமும், பக்தி யோகமும் உடலை அலட்சியப்படுத்தி சிந்தனைக்கே முக்கியத்துவம் அளிக்கின்றன.

மேலும் படிக்க...»