இன்று, மேகி (maggie) செய்தியில் மிகவும் அடிபடும் வேளையில் நாமும் அதனை தொட வேண்டுமல்லவா? மேகி தடைப்படுத்தப் படும் முன்னரே நாம் தாளாண்மையில் அடிசில் தீர்வில் எழுதியிருந்ததைச் சற்று நினைவு கூறுவோம்:
“அடுத்து 'நூடில்ஸ்'! அதுவும் இன்று விளம்பரங்களினால் மட்டுமே பிரபலம் அடைந்துள்ள இந்தப் பதப்படுத்தப்பட்ட பொருள், பல கொடிய நச்சு ரசாயனங்கள், மிக அதிக உப்பு, அடிமைத்தன்மைக்காக (அதன் சுவைக்கு நாம் அடிமையாவதற்கென) சில கேடு நிறைந்த பொருட்கள், எனப் பலவற்றை உள்ளடக்கியவை.
இதனுள் , அமிலம் சமன்படுத்துபவை, மணம் கூட்டுபவை, கெட்டிப்படுத்துபவை, ஈரப்பதம் காப்பவை, வண்ணமூட்டிகள், திடப்படுத்துபவை, மாவை வெளுக்கும் காரணிகள், பதப்படுத்துபவை, கட்டியாகாமல் தடுப்பவை என்று ஒரு மிக நீண்ட வேதிப் பட்டியலே உண்டு! நமது உடல் (குடல்!) மற்ற சத்துக்களை ஈர்ப்பதைத் தடுத்து மேலும் பல துன்பங்களை இவை விளைவிக்கும் என்றும், புற்று நோய் முதல் பல நோய்களை பயக்கின்றன என்றும் பல ஆய்வுகள் தெரிவிக்கின்றன. பல மணி நேரம் இவை செரிமானம் ஆகாமல் அப்படியே இருக்கும். பல உப்புக்களையும் அமிலத்தன்மையும் கொண்ட இந்த நூடில்ஸ் பெரும் ஆபத்தைப் பயக்கக்கூடிய பொருள். இந்த 'உடனடி' நூடில்ஸ் பல்வேறு உபாதைகளை அளிப்பதாக பல வெளி நாட்டு படிப்பினைகள் தெரிவிக்கின்றன.”
வரகரிசி சுரை அடை
நெல் குருவி
(Lonchura Punctulata punctulata)
ஆசியாவைத் தாயகமாகக் கொண்ட இப்பறவை 13 உட்பிரிவுகளில் பிரிக்கப்பட்டுள்ளது. நம் இந்தியாவுக்குச் சொந்தமானது punctulata என்ற துணையினம். நெல்குருவி என்று தமிழில் அழைக்கப்படும் இது ஆங்கிலத்தில் Nutmeg Finch, Nutmeg Mannikin, Nutmeg Munia, Ricebird, Scaly-breasted Mannikin, Scaly-breasted Munia, Spice Finch, Spice Munia, Spice Bird, Spotted Mannikin, Spotted Munia, Barred Munia என்றெல்லாம் அழைக்கப் படுகிறது.
தோற்றம்
குருவி அளவு தான் இருக்கும். நீளம் 11 - 12 செ.மீ எடை 12 - 16 கிராம். தலை செம்பழுப்பு நிறம் ; சிறகு மற்றும் மேல் உடம்பு லேசான பழுப்பு ; வால் பாசிப்பச்சை நிறம்; அடிப்பகுதி வெள்ளை நிறம்; கழுத்தில் மீன்செதில்கள் போல இருக்கும். அந்த செதில்கள் சிறகுக்கடியிலும் காணலாம். மூக்கு சிறிது குட்டையாகவும் கருப்பு நிறத்திலும் இருக்கும். கண்களை சுற்றி ஒரு வெள்ளை நிற வளையம் இருக்கும். ஆண் - பெண் ஒரே மாதிரி இருக்கும். ஆனால் ஆண்பறவைதான் பாடும்.
குதிரைவாலி வெள்ளரி லஸ்ஸி
தேவையான பொருட்கள்
1. தயிர் - 1/2 கோப்பை
2. வெள்ளரி - 1/2
3. குதிரைவாலி அரிசி - 2 மேசைக்கரண்டி
4. நீர் - 1 1/2 கோப்பை
5. சீரகம் உடைத்தது - 1 தேக்கரண்டி
6. சீரகத் தூள் - 1/4 தேக்கரண்டி
7. இஞ்சி - சிறிதளவு
8. உப்பு - சுவைக்கேற்ப