சுடலைக் குயில்:
தென்மேற்குப் பருவ மழை தொடங்கி உள்ள நேரத்தில் நாம் காணும் பறவைகளில் சிறப்பான ஒன்று சுடலைக் குயில் என்கிற கொண்டைக் குயில். இதனை ஆங்கிலத்தில் Pied Crested Cuckoo என்றும் , Jacobin Cuckoo என்றும் அறிவியலில் Clamator jacobinus என்றும் அழைக்கின்றனர். மிகப் பண்டைக்காலம் முதல் இவற்றின் வருகை மழையின் அறிகுறியாகக் குறிக்கப் பட்டிருக்கிறது.
தோற்றம்:
மைனாவை விடச் சற்றுப் பெரியதாக இருக்கும். ஆண், பெண் இரண்டும் ஒரே நிறத்தில் இருக்கும். உடலின் அடிப்பகுதி முழுவதும் வெள்ளாஇயாகவும், இறகுகள், தலை யாவும் அழகிய கருநிறத்திலும் , வால் கருப்பாகவும் நுனியில் வெண்மையாகவும், அழகிய கருநிறக் கொண்டையுடன் காணக் களிப்பூட்டும் அழகுடன் இருக்கும்.
